"" خلاص ارحل شطبت اسمك ""

مات الغرام .. بمقبرة ( كذب دنياك )
مدفون .. بين اول لقاك .. وغيابك
مات الغرام .. ومات حبك .. وعزاك
قلب ٍ .. على عرش الغرام .. احتفى بك
قلب ٍ .. نثر عطر الوفاء في زواياك
حتى طعنته .. وانجرح !! وانتهى بك
قلب ٍ .. رغم كذبة غرامك ؟.. بدى هناك
يضفي .. على مسرح سموّك .. ثيابك!
ودام الجفاف .. ابهّت .. مُغلف هداياك
في ربعك الخالي .. وصحراء سرابك
خّل الهدايا للرياح .. وحناياك
اسرج بها .. نار الفصول .. وعذابك
يذبل ربيع احلامنا.. بأيدي اشتاك
ويُنبت خريف آمالنا .. صيف بابك
بأقتل .. تحت شمسي .. طيوفك وذكراك
وبأنحت .. على صخر القصيد لجنابك
أقسى من فراقك .. قبولي بشرواك
و اصعب من قبولي وصالك ... هلا بك!!
يعني .. خلاص ارحل .. عسى الله يرعاك
ودام الفجوج اوساع .. خيّر ركابك
و لوّح على درب الموداع بيمناك
حتى .. يوادعك السراب .. و ترابك
ارحل .. شطبت اسمك .. ودونّت فرقاك
واسمي .. تكرّم .. واشطبه من كتابك .

تسلم يمينك وونيس ع الكلام الراقي والجميل والمبدع اتمنى لك التوفيق

يسلمووو