لا ولايمدي ..ولايمكـن.. لتحقيـق الفصـال
دام باقي ليل واحد ..يا عيوني وش تبين .؟؟؟
أومريني ((شخص)) طايـع ..قيـده وقتـه غـلال
واقتليني وسط دارك ..واشربي دمي الل؟يـن
دامني عن ديرتي يـا بنـت قطّعـت الحبـال
كيف ابدري للفرح يا بنت وانتي تعرفيـن ؟؟
اعذريني ..مادريـت الا بكسوفـك والـزوال
اعذريني ..ماجداي الا صدى صـوت الأنيـن
واعذريني .. لو رحلت وغادرت سفن الوصال
واعذريني .. لو قطعت الوصل بالناس اجمعين
واعذريني لو سقيتك من بحر هجري زلال
واعذريني كانك انتـي يـا حياتـي تعذريـن
واعذريني يا حياتـي ..كـل ماجالـك مجـال
واعذريني يا حياتي قد ما انتي تقدريـن ...!؟
والا انا يا عزتي لي ..حالتي ماهـي بحـال
زين اكمل بعـدكم يانور عيني ليلتيـن
وادري ان صرت بغيابك.. وفي ٌ لا يـُطال
للوفاء مضرب مثال ٌ في علوم الطيبين
واسمعي بآخر قصيدة .. بعدها قطع الوصال
بعدها .. مافيه شيءٍ يربط لآخر يقين ..!
( الطموح اللي بنينا ) ينهدم قبل الزوال)
ينهدم قبل الغروب .. ويندفن حلم الأثنين
( ينهدم لأجل الشريعة ) ( ينهدم لأجل العدال )
( ينهدم لأجل الأماني ) ( ينهدم لأجل السنين)
( ينهدم يا أول حبيبه ) ( ينهدم يا أغلى غزال )
(ينهدم ياأجمل عيون ) ( وينهدم يا أوفى ضنين )
ينهدم .. لأن القلوب أولى بتحقيق المنال
ينهدم .. لأن التعازي ما ترد الميتين
مابقى غير الوداع .. وكفني حسن القبال
وسامحيني كل لحظة .. واسمعي هالكلمتين
و الله انه ما ملأ عيني .. بعد حسنك جمال
والله انه ما سكن قلبي بعد رحتي عوين
بأوعدك ..يبقى مكانك والهوى ما اعطيه بال
ولايحرك من شعوري بنت .. واحلف لك يمين
أرحلي والله معك في غيبتك والارتحال
وارحلي ..لآخر مدى والدرب ( ورد وياسمين..!)
ارحلي ..بالذكريات وباقي الحب الـمُــزال
وارحلي.. تكفين لا يردك على الشامخ حنين ..!
وارحلي .. واتجاهلي كل الكلام اللي يقال
لو سمعتي ( حال شامخ ماتسر الناظرين ..!)
صدقيني .. لو تشوفيني على جرف ٍ هيال
ما انتظرت .. الا وانا اعرف وش يكون المسلكين ..!
صدقيني .. ( مرحلة بـتُــُمر ) والصبر ابتذال
بأبتسم رغم الجروح .. ولاعقدت الحاجبين
صدقيني .. لا سمح قلبي .. بأدور لك بدال
يا عسى قلبي يلين .. ويا عسى ربي يعين ..!
من شبابي والحزن .. في خوته خوة رجـال
مايفارقني .. ودايم عن يسار وعـن يميـن
لاغفيت اشوفها بالعيـن .. تبكـي للأطـلال
ولا صحيت .. اشوفها قدام وجهـي باليديـن
اكتفيت ارجوك يا سْنيني .. عذابـي لايـزال
يا عذابي .. وش بقى بي يا سنيني تجرحيـن ؟
كيف اصدق ما حصل لي .. والله انه كالخيال
كيف اكذب والنواظر ..والجوراح ..شاهديـن
انتبهت لدنيني .. والحزن مدري ليش طـال؟
واعتزيت .. وقلت يا الله عن كلام العاذليـن
لو خذلني في تعاملهـم .. ردييـن الرجـال
و الله اني ما اتهاون .. عن علوم الطيبيـن
وللقصيدة بقية .. لم ترى النور.. وقد لا تراه..
![مشرف ••[ اڷأقڛآم اڷعآ๑ـﮧۧ ]••](https://2img.net/h/center.jeddahbikers.com/uploads/jb13261271351.gif "مشرف ••[ اڷأقڛآم اڷعآ๑ـﮧۧ ]••")
موضوع: ليلة وداع وليلة زفاف ...( الجزاء 2)