قـــالت انـتـبـه بـاقــي عـلــى شـفـتـك روج

يـاعـيـن مـــن حـطـيـت عـيـنـي بـعـيـنـه
وابطـيـت واقــف فـــي بحرعيـنـهـا مـــوج

ابـحــرت فـــي عـيـنـه بـلـيــا سـفـيـنـه
سـجـيـت فـيـهـا لـيــن ضيـعـنـي الـمــوج

حـاولــت الـــد الـشــوف عـمــا يـهـيـنـه
ولا إنتـبـهـت الا وانــــا فــيــه مـلـبــوج

شـفــت الـفـتـن فـــي ملـتـقـى حاجـبـيـنـه
والسـحـر فــي عيـنـه مــع الـزيـن مـدمــوج

اســــود ســــواده لابـسـتــه الـسـكـيـنـه
وابـيـض بيـاضـه طـايـش الـلــون مـرجــوج

زاويـــه طــــرف ٍ حــاجــز ٍ دمعـتـيـنـه
لـــولاه كـــان الـخــد بالـكـحـل مـمــزوج

كـاسـيـه رمــــش ٍ زاد مـلـحــه وزيــنــه
مــن فــوق متكـحـل ومــن تـحـت مـدعــوج

بـيـن الـرمــوش الـســود شـفــت الغبـيـنـه
والـلـي رمــاه الـرمـش مـاعـاد لـــه بـــوج

مـــرت ثـوانــي مـــن حـيـاتـي ثـمـيـنـه
وأنـــا اتـهــادى بــيــن الاشــــواق وأدوج

مـــرت وأنـــا قـابــض عـلــى راحتـيـنـه
واقــف مـقـابـل لـــه وسـاهــي ومـدلــوج

مــدري وش الـلـي صـــار بـيـنـي وبـيـنـه
والـقـلـب مــاردنــه ضـلـوعــي الــعــوج

ولا إنـتـبـهــت الا بـسـحــبــة يــديــنــه
قــال انــت تبـغـى الـنـاس تلحقـنـي بـهـروج

قـلــت اعـــذر الـلــي شـافــك الله يعـيـنـه
يبـطـي ودمـعــه بـعــد فـرقــاك مـزعــوج

عـيـنــك بـنـظــرات الــغــلا مستـهـيـنـه
قــال الـغـلا فــي داخــل الـقـلـب مـنـسـوج

قـلـت الـوعـد قــال ايـــه كـلــش بحـيـنـه
الله يـفـتـح لـــك مـــن الضـيـقـه فـجــوج

قلـت آآه .. طـيـب شــف لــي الــدرب ويـنـه
قـــالت انـتـبـه بـاقــي عـلــى شـفـتـك روج

قـلــت لــهــا أدري بــــس لا تمسـحـيـنـه
أبـقـهــر بـلـونــه مـطـافـيـق وعــلــوج