رد : على مشاكاه الشاعر بن مهزع ..بقلمي

عسى أن تصل حدود ذائقتكم أخواني:

كم لي أنادي وازقرك يابوخالد
يالشاعر اللي ما قبلنا بعذره

حتى لو انك كنت يالعود زاهد
الشعر يسأل عنك في كل مره

صدري بأبياتك من العام بارد
لوكان في جوفي من البعد حره

يهتز عرش الشعر والقاف شاهد
لو لاحت حروفك من زود قدره

مليت شوف الهزل واهل الخرايد
تعال نبني بالفرايـــــــــــــــد مجره

لجل الحماسه والشعر والقصايد
ونعيد روح الشعر ونبث عطره

تعال واترفع على كل كــــــايد
والغث خله بين غصه وحسره

شفني انا رغم السواليف صامد
وللحين طيري ماقوى حد كسره

تعال طرزهم قلايد ... قلايد
وانثر عقودٍ من لآليء ودره

ومني جزيل الشكر لاشك عايد
للي يساوي في عيوني مجره

بقلم : البويرده
21/3/2012

بما ان انا اوول من يرد فاانا البدايه

تسلم ع هذا الابداع الرائع

واتمنى ان تكثر مشاركتك المبدعه من قلمك المبدع

بالتوووفيج

لجل الحماسه والشعر والقصايد.....اقووولك صح لساااااانك

بس وين النص الاصلي اللي راد عليه؟؟؟؟

نص المشاكه ويين //لكن فعلا قصيدة جزلة ..تسلم عليها

___
نتظر مشاركاتك اخي البويردة ..

RÖõ7 كتب:: بما ان انا اوول من يرد فاانا البدايه

تسلم ع هذا الابداع الرائع

واتمنى ان تكثر مشاركتك المبدعه من قلمك المبدع

بالتوووفيج

روح
سعيدآ جدآآ..جدآآ بتواجدك
طابت ايامك...

أخوني تشافي ألارياف ,,, أنيس القمر شكرآ ملكية لتواجدكمـ
ـــــــــــ
وهذا نص اتنمى ينال إعجابكمـ

هذي القصيده من بن مهزع
مهداه للاخ البويرده

تكرم بلد ياناس لعيون واحــــــــــد
مثل القمر يشفع لكل المجّـــــــــره

سر ياقصيدي وانت بالحال شاهد
واللي سأل قله علومي تـــــــسّره

مايفسد الود بلسان جــــــــــــاحد
ولانـــــــي بشايل من بلاويه حرّه

واللي طلبني من قصيدي قــــلايد
بهديه عقـــــــــدٍ من لآلـــئ ودرّه

لوني عن طروق الشعر كنت زاهد
والحمد لله حالـــــــــــــــتي مستقرّه

لكن لأصحــــــــاب القـــصايد عوايد
أطباعهم مابين كـــــــرّه وفـــــــــرّه

لامــــن نصيته جاتــك احلى الفرايد
ولي من زعل الله يكـــــــــافيك شرّه

اللي منــعــني صاحــــــبي شي كايد
والصاحب اللي ما حشمــــــني أفرّه

رافــــــــق من الناس من كان فــايد
والغث خله ولا تحـــــــــــاول تشرّه

بعض البشر مخلوق لجل الشدايــد
والبعض خيره قد توطـــــــــاه شرّه

وانا رصيدي م المحـــبـــين وايـــد
ما ظنتي فارقتـــــــها مستــــــــعرّه

ماكنت قــــــــاعد بين ربعي محايد
أنطح العـــــايل... واكسره وأستبرّه

تستاهل المدح اخي البويرده...قصيده ف قمه الرووعه

» ًـقصيدِـهًـ لًـ الشاعر عأًًٌمر المقبإليًٍ
» لكل محبين الشاعر محمد بن فطيس اشعار روعه
» قصيدة للأمير السعودي الشاعر عبدالرحمن بن مساعد بعنوان ( فقير )