لكل محبين الشاعر محمد بن فطيس اشعار روعه

تذكير بمساهمة فاتح الموضوع :

♥♥آلسسلآم علييگم لكل محبين الشاعر محمد بن فطيس




آليوم حپيت أفتح صفحه خاصه ل محبين الشاعر محمد بن فطيس .....
،،


اي شي يخص الشاااعر "اشعاار+صوووور+تصريحات"بتكووون ف هذي الصفحه
،،

وپمآستگم سنرتقي للأفضل
،،

يآلله نپدآء
،،

الوصف والتعبير في وصفه يخون
.................................... غير اطلب الله يستجيب دعاك له

وعذال قلبك في محبته يهبون
....................................سكينهم عن قطع حبله حاكله

ناس عن اعراض العرب مايعرضون
.................................... ودايم على نفس الشكل والشاكله

اللي من لحوم الاوادم ياكلون
.................................... وحلوقهم دفع البلا متواكله

في سلمهم اولى بالاكل الاقربون
........................................ واطيبهم اللي صيدته شكواك له

عازمهم الشيطان للذنب ويجون
.................................... هذا يقطع له وذاك يواكله

ياجعلهم فدوة ثرا الغض الفتون
....................................اللي على الدرب الطويل خطاك له

طيفه الى نام البشر زارك بهون
.................................... وطيفك الى نام البشر سراك له

حبه دفان ومقبرة خضر الطعون
....................................بين العظام العوج كنك ناكله

اللي كذا.. حبه لو تموت مغبون
....................................ولا لك الا الصبر وش وداك له


صح لسانك يالمحيط الهادي يالدفع الرباعي

محمد بن فطيس: وله قوله:
ثكلتك أمّك هل سمعت مخلّداً = أم هل رأيت مصحّحاً لم يسقم
فدع الأماني إنها مكذوبة = واجعل داءك للسبيل الأقوم

،؛،.. دكـــــتور العـــيون ..،؛،

(يامؤمن الريفي )انا جيتك زبون..
.. جيتك على مدح اكثر الناس وعنيت

جيت وتعالى الله عمّا يشركون..
.. لولاه (يامؤمن) لطبك ما اهتديت

راضي بحكم الله علي مهما يكون..
.. عالج عيوني لو بعد طبك عميت

ودي اخاشر فالبصر من يبصرون..
.. واشوف دربي لا سرحت ولا ضويت

والى قنصت اثبت مع اللي يثبتون..
.. واشوف طيري كل ما اوميت ودعيت

ياااكثر ما يضرب خويي (الطابلون)..
.. من كثر ما اكلّته مطباات وكليت

وودي اشوف اللي علي يعرضون..
.. وبعض الليالي ودي اسري دون ليت

وااشوف ناس ٍ فالقفا ما يرحمون..
.. اما وقفت لصاحبي والا مشيت

من دون نظاره ولا هم يحزنون..
.. يااا كثر ما كسّرت كشمات وشريت

لكنٌ يا دكتور جعلك ما تهون..
.. ابغيك كلمت راس دامك ما بديت

اسمع......ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

هي راس مالي والعرب ما يدركون..
.. اني على باب الممات و ما حكيت

ياقو قلبي يوم قفن الضعون..
.. اللي على ذاك الموادع ما بكيت

ويا صبر صبري والعواذل يحسبون..
.. اني دلهت من الهوى والا سليت

اسكت عساهم من سكاتي يسكتون..
.. وانا عن اللي في ضميري ما انتهيت

وادور الفرحه مع اللي يسهرون..
.. وان ذكروني خذت فنجال وسريت

اخذت من وقتك يا دكتور العيون..
.. عالج عيوني لو بعد طبك عميت

واستر علي واللي معك لا يفطنون..
.. انت الوحيد اللي بعد ربي دريت

يومٍ حصاد لما زرعنا في السنين
يوم الحشر قرب ولا معنا زهاب
اليوم في الدنيا وبكره راحلين
نجني ذنوب ونرتجي عفو وثواب
وعلى نصر ربي لنا مستعجلين
تدرون ليه امالنا كنها سراب
تدرون ليه النصر سيف الاولين
الاولين اعمالهم وفق الكتاب
قاموا عليه وباعوا الدنيا بدين
وحنا غفلنا بين ما لذ وطاب
والنصر سيفٍ مايسله غافلين
نصبح على شوف انتهاكات وخراب
ونمسي على دمع وتنهات ونين
بصدورنا شي تذوب اله الهضاب
وافعالنا والواقع رياح ..وطحين
وعلى العيون من الفتن مثل الضباب
معد درينا من يسار ومن يمين
ما للضعيف الا الدعا لو مايجاب
ماغيره الا الشوف مكتوف اليدين

ياهل العقول الواعيه والرشيدهـ
المنكر الي عمنا يبغي انكار
اسلامنا واسلوم اهلنا التليده
ـ بنو مابين الحق والباطل جدار
واوطانا صرخة تطور تشيدهـ
في مايخدم المجتمع علم واعمار
وبعض الفضائيات تبغي تبيدهـ
وتنشر مابين اجيالنا الخزي والعار
حرب الجيوش اهون شهيد وشهيدهـ
بس المصيبه والبلا حرب الاقمار
قتيلها جيل وعقول وعقيدهـ
وموت العقول اشد من قصف الاعمار
بعض البرامج للمتابع مكيدهـ
واحبالها يقع بها اصغار واكبار
قناة ساحر حط فيها بريدهـ
يقول راسلني واعلمك وش صار
وقناة رقص ونقص والي يزيدهـ
شات كلامه يجرح اعراض الاحرار
وقناة دز اسمك سعيد وسعيدهـ
واصبر وشوف للحب نسبة ومعيار
وقناة تجمع كل جنس وضديدهـ
بين اربعة جدران من كل الاقطار
وتابع تفاصيل الحياة الرغيدهـ
حتى إذا ناموا وقاموا للإفطار
واسهر وشجع يمكن الي تريدهـ
يفوز ويسمونه العالم استار
راحوا ضحاياها فئات عديدهـ
ومع ضياع الوقت تسمم افكار
وراعي القناة اهم حاجه رصيدهـ
لا لامته نفسه ولاخاف من نار
وترى الفضائيات فيها المفيدهـ
ماننكر انها في الدجى مثل الانوار
قناة دين علم واشياء حميدهـ
تاريخ واشعار وثقافات واخبار
بإسم الضمير اقولها في قصيدهـ
يكفي خراب بيوت وافكار وديار

الضيقه اللي دايماً تالي عصير
وش حيلتي واردّها لا تجيني
لاطال ظل العود حزة عشى الطير
كنها على سجن الحديد تحديني
يضيق صدري كل ما جات واسير
ولا يخفف سوج رجلي حنيني
لاحولنا مشراف ولا اقدر اطير
يالله قسمة خير لا تبتليني
وعقارب الساعه توقف عن السير
ولاكن في الدوحه سواتي حزيني
والعبره اللي تاصل الحلق وتحير
ياقربها لو قيل لي ياعوينـي
امل شوف الناس وردّ ومصادير
واللي يقول اشفيك كنه يهجيني
يعني على ماقيل من باب تصوير
لاحد ٍابي قربـه ولا احـد ٍ يبيني
اروح ادوّر خط ما به دواوير
وادوّر اللي هادهـا تهديني
واخذ مع الهاجوس سبحه وتفكير
واراجع اللي فات بيني وبيني
واحسّب ذنوبي وادوّر لتكفير
وعساي ماقصرت في والديني
وعساي ماقارنت مـن ينفخ الكير
واللي يحمل المسك جعله قريني
ويطري علي يوم الحشر واطلب مجير
ما اعطى كتابي في شقيقة يميني
ويطري على صدقان كثر الدنانير
اللي تعاديني الى كثر ديني
وراع الهروج اللي سوات المناشير
اصـد عنه وادري انه يعنيني
الله حسيبه يوم عرض القوارير
والله حسبي من صـوابن مكيني
والى طرالي واحد ٍ كانه صغير
اما اصغر بيومين ولا سنيني
دريت وش قومي وعينت تفسير
للضيقه اللي من زمن تعتريني
حبه بصدري سالفة سر في بير
وكن الفواد يقول هذا زبيني
اشفق على علم ٍ يجي منه من غير
مايسمع اللي سولفوا به ونيني
العام اجيهم من حساب المسايير
واليوم حال عداي وينه وويني
ياكثرهم غيره ولكن خبر خير
ماغير شوفه في الوجود يهنيني
رايي كذا ياعاشقين الغنادير
ماله على وجه البسيطه وزيني
خطاي تعليق الامل في المدابير
إلين راح وشفت حقري بعيني
صبر جميل وخابر انها مقادير
والله على تخفيف حزني عويني
ذي حالتي لين اتغبا الشمس واصير
معطى صراحي عقب ما انا سجيني
والى امتلا جوف الشجر بالعصافير
طلبت من رب العباد يهديني
يعتقني المذن عقب ضيقة عصير
اللي على سجن الفراق تحديني

شفتك وزاد بـي الولـع والشـوق
غنيتهـا مـن سـاعـة أقبلـتـي
عيني ماقد شافـت كـذا مخلـوق
كنـك علـى ذوقــي تشكلـتـي
قلتي لي أصبر بس أنـا المطفـوق
عجلـت فـي شوفـك وعجلتـي
أثر معك لـي مرسـل ومسبـوق
عـز الله انـك قلـتـي وطلـتـي
عيـن وشفـاه وعاتـقٍ منـتـوق
وجـسـمٍ تغطيـنـه ولااحتلـتـي
الليل عـن وجـه القمـر مفهـوق
والعـود مالومـك إلـى ملـتـي
غصنٍ على ساقـي وفيـه عـذوق
وش الغريبـه لـو تمايلـتـي ؟!!
لكن قبـل تمشيـن أنـا مسـروق
من صدري قبل شوي وش شلتي؟!!
أتلى العهـد بـه قابضـه معلـوق
مـن ساعـة أقبلتـي وحولـتـي
ماريتـه خالـي وفـيـه فـتـوق
رديــه .. وأعــدك تجملـتـي

ليهـ المسا عوق الشقاوي وطبّه ؟!!
وليهـ الهبـوب تصحي القلب لا بات ؟!!
وليهـ القمر يدعي جريح المحبّه ؟!!
ويقول لهـ يا هيهـ ما فات ما مات ..
جرحكـ ظهر لو قلت للوجه خبّه
وللحزن في ضحكـك رسوم وعلامات ..
وليهـ المطر بالذات ريحهـ وصبّهـ
كنّــهـ رسول بين الاحباب بالذات ..
اشتاق فيهـ لشوفتك واتنبّـهـ
للي نسيتــهـ من مواقف ونظرات ..
لا استانس الخافق ذكر من يحبّـهـ
ورجع يراجع فالوناسات ما فات ..
يا مرتع القلب الحزين ومربّــهـ
يزيين بــك مثل الذهب صدر الابيات ..
هيهات ينسى القلب شخص ٍ لعبّهـ
وهيات يدلهـ خاطري منك هيهااااات ..
سبك مديح ومدح غيرك مسبّهـ
تقول واذني صوتها تقول لك هات ..
ونبع الغلا عندك وعندي مصبّهـ
ومن الولا في خافقي لك ولاياات ..
وطيفك حطب عيني وعيني مشبّهـ
والشوق برد ٍ ما انقطع لو للحظات ..
ومكانك الصدر ولك القلب شبّهـ
بين الظلوع اللي فردها التنهات ..
ولك بيرق ٍ فالقلب حبك يهبّهـ
شامخ ولا هزه من العذل غارات ..
محبتك فالوقت ذا ما تشبّهـ
الا بخيمة بدو بين العمارات ..
ان شفتني ضايق واهوجس واسبّهـ
اخاف غدر الوقت والوقت دورات ..
(( لا تحسب ان دمعي نزل دون سبّهـ
ابكي من الفرقا وهي مابعد جات ))
اليوم كل امورنا مستتبّهـ
وبكره ماندري وش معه من مسرّات ..
اربّ قلبك مثل قلبي اربّه
ما يخلفهـ شور العرب والمسافات ..

الكوره

قبل ماحظي من الدنيا يجمّد
ماحسب يومي ولا أحسّ بمروره
يوم كان إسمي محيميد أتحمّد
كان مسموح أنظره وأرقى لسوره
أحذف الكوره على بيته تعمّد
لجل أجي واقول ماحد شاف كوره !!؟
وأستلذ بشوفته توّي واكمّد
بالوصال جروح في الصدر محكوره
وقت وأحرقه الزمان إيلين رمّد
مايعوّد لو يدور ألفين دوره
راح من عمري وقدني ذا محمد
صعب حتى شوفته في وسط صوره

اتصدق إني عارفك قبل لا ألقاك
يعني لو أشوفك بشارع عرفتك
وإتصدق إن كني معك واتحلاك
وان كان منت بمقتنع بي وصفتك
أراهن إن من ناظرك ما تعداك
و أراهن إنه صعب جذبك ولفتك
و أراهن إن كنك مخدّر بممشاك
و أراهن إن لك عين حورى وتفتك
وأراهنك ..وأراهنك ..واتحّداك
إني من كفوف الوساده خطفتك
الله عطاني منك يازين وأعطاك
من دون لاأشوفك بعيني ولفتك
في ذا.. أو.. هنيا.. أوإهنا..أو.. هناك
ماهو مهم ...بس المهم اكتشفتك
ولا عاد منهم خوف ذولا ..وذولاك
أنا من العالم كأني صرفتك
أدري بعقلك وين جابك وودّاك
مالك عليه دين والله ماشفتك
ولاني بساحر يوم اعدد مزاياك
لكن نهر الشوق فاض وجرفتك
باحساس اضنّه قاصرٍ من حلاياك
شفتك بقلبي وبقصيدي حذفتك
لكن تعال وكل ماراح يفداك
وحقك علي ان كاني ما عرفتك

ماجور
ماجور ياللي من فراقك تعلمّت
ان الزمن يومين طيّب..وخيّب
فاجئتني بمفارقك ما تولمّت
كذا بدون اسباب عني تغيّب؟؟
مامت من فرقاك لكن تألمت
وراسي مشيّب لو ما راسي مشيّب
ولولا السحا من عاذلي ما تلعثمت
طاولته اللي في يدي من قريّب
اضحك واسولف وان لحقني سهر نمت
لكن قسم بالله ماني بطيّب
اكافح اهل الشمت بالسمت ..والصمت
ومن شوفتك صدفه قعدت اتهيّب
اخاف اشوفك واكسر الصمت ..والسمت
وادعيك تو الناس وانا مغيّب
جيشك علي ما فاز وانا استسلمّت
وذل المحبه ذل ما هو يعيّب
تدري من المخطي ولو ما تكلمت
ياللي لضني ضنتي ما تخيّب

يابريئه
يابريئه وانتي أبعد مايكون من البراءه
إكتشفت إني أنا المخدوع وإن منتي بريئه
تذبحين الحب وتعزينني فيه بجراءه
وتذرفين الدمع لفراقه ولا كنش مسيئه
كنت أقول إنحن حروفه أنا حاءه وأنتي باءه
وكنت أقول إن في ملامح وجهش أوصاف البريئه
وكنتي لقلبي كرات الدم يعني ياغذاءه
وكنتي أغلا من مراح الأكسجين ومن مجيئه
وكنتي السلطان به والشوق والغيره ولاءه
والعروق من الوفا والصدق واللهفه مليئه
بس بعد اللي حصل سرت أعرف البير وغطاءه
أشهد إن الكذب مهما تمتن حباله رديئه
علموش اللي مبادئهم سخافات ودناءه
وانا ما الومش لأن الأصدقا للشخص بيئه
يعني ماعادش بباء الحب ولا أنا بحاءه
أصبحت عندي عبارات الهوى عفواً(بذيئه)
وإنهزم جيش الثـقه واضرب عن الرفه لواءه
الرياح تقول له رفرف وهو يئبا الخطيئه
الخيانه داء والفرقا أشوف إنها دواءه
عازمٍ ما عاد أطولها ولله المشيئه
الفراش اللي يغره في المصابيح الإضاءه
والا انا اعرف الوجيه السود لوكانت مضيئه
إن حسبتيني جريء وشفتي إن هذي إساءه
فانتي أول من أساء بحقي وكنتي جريئه
إعرفي إن الخيانه ما تواطن والبراءه
وموتي بسيف الهجر لن الهجر موته بطيئه

أقول لها وقـد طـارت شعاعـاً
من الشعـار ويحـكِ لا تراعـي
عليش الصبر والباقـي علـى الله
وعلى التصويت ماللخوف داعي
ترى اللـي كاتبـه ربـي بياتـي
ولو ماسعى لحظي جاش ساعـي
تحزمـت بقصيـدي والقبـايـل
وجاء شعري على الدفع الرباعي
انا في مركب الشعـر الحقيقـي
وجمهور الشعر حسبت شراعـي
امامـي لجنـة كفـواً باهلـهـا
وعلى الشاشات لي جمهور واعي
ومادام ان ديرتـي دار التميمـي
فأنا ماظنتـي يحجـب شعاعـي
تربينـا علـى حـب الطليـعـة
وندعس للوطـن روس الأفاعـي
نعيش لرفعتـه ونعيـش لأجلـة
ونموت لعزتـة مـوتً جماعـي
قطر داري ودار ابـن الفجـاءة
بـلاد نبتهـا سيـف ويـراعـي
ظهر ابن الفجـاءة فـي زمانـة
وانا(ابن فطيس)تظهرني ذراعـي

غاسلن كفي
غاسل ٍ كفي من مصافحة بعض اليدين
وقافل ٍ بوجيه أهلها صناديق البريد
وشايف ٍ شي ٍ لي أعوام مالي فيه عين
وقاطع ٍ خيط الهقاوي بسكين الوكيد
وخالص ٍ من طيب ضن ٍ موهقني سنين
وظاهر لي عقب عرف العرب عقل ٍ جديد
وطايح ٍ من عيني إرجال عندي كان وين
وحاقر ٍ منهو يقيس الأوادم بالرصيد
ومحتمي ٍ من غدر الأصحاب في حصن ٍ حصين
ولابس ٍ لرماح الأقراب ثوب ٍ من حديد
وماضي ٍ مني على اللي تمشيني يمين
ما تجي منهو قريب ٍ والى احتجته بعيد
المواقف تشخل الناس والطيّب يبين
كل عام يطيح تسعه ويصفا لي وحيد
أشهد إن خير المدارس تجارب الأولين
وأشهد إن رأي التجارب هو الراي السديد
وأشهد إني للبلاوي على الدنيا مدين
كل ما راجعت نفسي طلعت المستفيد
وأنت ياللي عقبك الزين بين البيض شين
مستحيل يطوفك الشعر وأنت أصل القصيد
القصيده في عيوني بدونك ما تزين
لازم إن أجيب طاريك يا ملح النشيد
أنت ياللي من بطين الفؤاد إلى الأذين
والله إن حبك مع الوقت ماينقص يزيد
في غيابك لك محبه ولك شوق وونين
وفي حضورك شف عيوني كلامي ما يفيد
أقهر الضيقه بذكراك من حين لحين
وأنثر دموعي على الوصل من عيد ٍ لعيد
لك غلا ً سبحان ربي ملى الدنيا حنين
ولك وفا ً سبحان ربي مكن فالكون غيد
شف مكانك في مكان ٍ عن العالم دفين
في مكان ٍ من ورى مثل عيدان الجريد
مكرم ٍ حبك وله في الحشى سمن وسمين
يقدع من الحال وأصب له بن الوريد
إفتضحت من الهواجيس بك فالمسلمين
كل من سولف علي قلت له وش قلت ؟ ..عيد
الهوى سجن العشاشيق وأنا لك سجين
وودي إن سجني مؤبد ولي حارس وقيد
عزتي لي من فراقك عسى ربي يعين
أدري إنه في طريقي ولو وصلك مديد
صابر ٍ غصبا ورى الخشم لو جرحي مكين
ودي أفعل لكن الله يفعل ما يريد

ودّي بك.. وابيك
ودّي بك.. وابيك.. واباك ..وابغـاك

جمّعتهـا لرضـاك واختـار فيـهـا

شف ويش منها يتبع احكاك ورضـاك

واللي لك اسقي مسمعـك لا ضميهـا

غديت (افر)احكاي واسايـر احكـاك

وانـا تشّـرف لكنتـي واهتويـهـا

مضمونهـا ودي بشوفتـك واهـواك

ياللي دروب اهل الـردى مـا تجيهـا

رزين عقـل ومن مزايا مزايـاك

نفسـك تحـب وعفتـك تمتطيـهـا

ماشفـت منـك الا عيونـك ويمنـاك

محبـة (ن) راع الـردى مـا يبيهـا

يقبـض فـوادي لا تخيلـت فرقـاك

ياروح روحن ما سـواك يعنيهـا

يامرك قلبـك بالوفـا لـي وتنهـاك

ناس (ن) على لاماك تفـرك يديهـا

ياجعلها تفدى علـى الارض ماطـاك

والله بمـن هـو مثلـهـا يبتليـهـا

لكـن لعـب فـي ياوليفـي تـغّـلاك

ونفسي غلاك من الصـدود يحديهـا

تبطـي علـي وانـا هنـا واتحـراك

وكبدي لواهيـب الصبـر تشتويهـا

اجمّع علومـك امـن هنـاك و هنـاك

والله لو انهـا تنشـرى لا اشتريهـا

كانك مشكك في الوفـا والغـلا هـااك

جوالـي اقـر القائمـه كـل ابيـهـا

رقمك مع الصـادر ولا وارد اسـواك

والناس في اللي ( لم يـرد عليهـا )

الله يسسآمح من يسسوي سوآتـك
مآني بقـآيل جعل ربي , , يجآزيك
مآني بقـآيل جعل ربي , , يجآزيك



بخآلف أبن فطيسس , وأدمح خطآتك
ماطآعنـي . . [ قلبـ(ن) يحبك و يغليك
ماطآعنـي . . [ قلبـ(ن) يحبك و يغليك